పూజ సమయంలో ఎటువంటి పువ్వులు వాడాలి ?ఏ ఏ దేవునికి ఏ ఏ పువ్వులు ఉపయోగించాలో తెలుసా ?

పూజ సమయంలో ఎటువంటి పువ్వులు వాడాలి ?ఏ ఏ దేవునికి ఏ ఏ పువ్వులు ఉపయోగించాలో తెలుసా ?

(ॐ

 దేవునికి సువాసన రాని పువ్వులను, మరీ ఎక్కువగా సువాసన వచ్చే పువ్వులను ఉపయోగించకూడదు. భగవంతునికి మొగలి పువ్వులను ఎట్టిపరిస్థితులలోనూ సమర్పించ కూడదు. మొగలి పువ్వులను భగవంతునికి సమర్పించి పూజ చేసినచో వంశ వృద్ధి జరగదు. మొగలిపువ్వులను ఎందుకు ఉపయోగించ కూడదు అంటే శివరాత్రి కథలో మొగలిపువ్వు బ్రహ్మకు అనుకూలముగా అబద్ధపు సాక్ష్యం చెప్పినందువలన శివుడు మొగలిపువ్వును ఎట్టిపరిస్థితుల్లోను పూజలో ఉపయోగించ కూడదు అని శపిస్తాడు. అలాగే బంతి పువ్వులను పూజా సమయములో ఉపయోగించకూడదు, కానీ మందిరము అలంకరణకు, దర్వాజా అలంకరణకు, ఇంటి అలంకరణకు ఉపయోగించవచ్చు.

పువ్వులు దేవునికి సమర్పించినప్పుడు మంచి పుష్పములను, వడిలి పోకుండా ఉన్నవాటిని, రేకులు రాలిపోకుండా ఉన్నవాటిని, మంచి ఆకారంలో ఉన్న పుష్పములను ఉపయోగించాలి. వడలిపోయిన పువ్వులను, నలిగిపోయిన పువ్వులను, ఎవరి దగ్గరయినా అడిగి తెచ్చిన పువ్వులను, కింద రాలిన పువ్వులను పూజకు ఉపయోగించ కూడదు. పుష్పములను కాడలు తీసి దేవునికి సమర్పించాలి. పటముల అలంకరణకు మాత్రము కాడలు ఉన్నా పర్వాలేదు. కొంతమంది పువ్వుల రేకులను ఊడతీసి అక్షింతలను కలిపి సమర్పిస్తూ ఉంటారు కానీ అల ఎట్టిపరిస్థితుల్లోను చేయకూడదు.

 పువ్వుల నుండి విడదీసిన రెక్కలను దీపం యొక్క అలంకరణకు ఉపయోగించవచ్చు. గులాబీలను ఉపయోగించినప్పుడు ముళ్ళు ఉన్న కాడలను జాగ్రత్తగా తుంపి ఉపయోగించాలి. ఈరోజు ఉదయము పూజ లో ఉపయోగించిన పువ్వులను సాయంత్రము పూజా సమయంలో తీయవలసిన అవసరం లేదు. మరుసటి రోజు సూర్యోదయమునకు ముందే ఆ వాడిన పువ్వులను తీసి కొత్త పువ్వులను పెట్టి భగవంతునికి దీపారాధన చేయాలి.

ఇప్పుడు ఏ దేవునికి ఎటువంటి పుష్పములను సమర్పించాలో తెలుసుకుందామా!

లలితా పరమేశ్వరి దేవి కి చంపక, కుంద, కేసర, శిరీష పుష్పం అంటే చాలా ఇష్టం అని తెలియజేయబడింది.

అమ్మవారు కదంబ వనములో సంచరిస్తూ కదంబ పుష్పాలను తన శిరోజాలకు అలంకరించుకుంటారు అని పురాణాలలో చెప్పబడింది.

శివపూజకు బిల్వం, తుమ్మి, మందార, రేలా, శంఖ పుష్పము, నాగలింగం పుష్పాలను ఉపయోగిస్తారు.

విష్ణుమూర్తికి నల్లకలువ,

అమ్మవారికి మల్లి, మందారం కనకాంబరాలు ఉపయోగిస్తారు.

ఏ భగవంతునికి ఏ పువ్వులను సమర్పించ కూడదో తెలుసుకుందామా

శివపూజకు మొగలి పువ్వులు, తీగ మల్లె పువ్వులను,

విష్ణు పూజకు ఉమ్మెత్త పువ్వులను,

స్త్రీ దేవతలు పూజలకు జిల్లేడు పువ్వులను, పారిజాతాలను, దుర్వారాలను వాడరు.

సూర్యుని పూజకు నందివర్ధనాలు,

విఘ్నేశ్వరుని పూజకు తులసి దళాలను ఉపయోగించకూడదు.

శ్రీ హరి పూజకు విప్ప పూలు, అశోక పుష్పాలు, గోరింట పుష్పాలు, వేప పువ్వులు, విష్ణుక్రాంత పువ్వులు,

వాయిలి పువ్వులు, పెద్ద గన్నేరు పువ్వులు, మందార పువ్వులు, మొగ్గ మల్లెలు, దత్తూర పువ్వులు, అవిశె పువ్వులు, డోమ్మడోలు పువ్వులు ఉపయోగించకూడదు.

ఒక్కొక్క మాసంలో ఒక్కొక్క రకమైన పుష్పాలను శ్రీహరికి సమర్పిస్తే పుణ్య ప్రాప్తి కలుగుతుంది.

చైత్ర మాసములో కమలాలు, జాజులు, సంపంగి పువ్వులు, బిల్వ పత్రాలు,

ఆషాడమాసములో కమలాలు, కదంబ పుష్పాలు,

శ్రావణ మాసంలో అవిసె పూలు, దుర్వారాలు,

భాద్రపద మాసంలో సంపెంగలు, మల్లెలు, సింధూరాలు,

ఆశ్వయుజ మాసము లో మల్లెలు, తీగ మల్లెలను,

కార్తీకంలో కమలాలు, సంపంగి పుష్పాలను,

మార్గశిరమాసంలో బకుల పుష్పాలు,

పుష్యమాసంలో తులసి,

మాఘ, పాల్గుణ మాసములలో అన్ని రకాల పుష్పాలను శ్రీహరికి సమర్పించి పూజ చేయడం వలన పుణ్య ప్రాప్తి కలుగుతుంది.

సాధారణముగా చెట్టు నుంచి కోసిన పుష్పాలను జలంతో కడిగి పూజకు ఉపయోగిస్తాము. కానీ కొన్ని పుష్పములను కోసిన తర్వాత కొన్ని రోజుల వరకు నిల్వ ఉన్న కూడా పూజలో ఉపయోగించ వచ్చును.

కలువ పువ్వుల ను ఐదు రోజుల వరకు,

కమలాలను పదకొండు రోజుల వరకు నిల్వ ఉన్న కూడా పూజకు ఉపయోగించవచ్చు అని

భవిష్య పురాణము తెలుపుతున్నది.