*జీవాత్మ, పరమాత్మ*
మనకు తెలిసిన మనదేహం గురించి ప్రారంభిద్దాం.
దేహం ఒక బల్బులాంటిది. ఆ బల్బులో ఫిలమెంటే జీవాత్మ. ఆ ఫిలమెంట్ లోకి ప్రవహించే విద్యుత్తులాంటిదే పరమాత్మ. ప్రతిబల్బులోను ఫిలమెంటు వేరు వేరుగా ఉంటుంది. అయితే విద్యుత్తు మాత్రం ఒకటే. బల్బులోని ఫిలమెంటు ప్రకాశిస్తుంది.
అలాగే వివిధ దేహాలు ఉంటేనే ఆత్మలుంటాయి. ఫిలమెంట్ రాలిపోయి బల్బు పగిలిపోయినా విద్యుత్తు ప్రసరించదు.
అయితే విద్యుత్తు అంతటా ఉంటుంది. పరమాత్మ లోపల, బయటా అంతటా ఉంటాడు. జీవుల కర్మానుభవానికి వారికి తగిన దేహాలనిచ్చి, ఆత్మలలో తానూ అనుప్రవేశం చేసి, కర్మసాక్షిగా ఉంటాడు.
ఫ్యాను, హీటరు, బల్బు, మోటారు, గ్రైండర్, టీ.వి. రేడియోలాంటివే వివిధ దేహాలు.
అలాగే అవతారాల్లో అర్చామూర్తుల (ప్రతిష్ఠించిన విగ్రహాలు) లో కూడా పరమాత్మ ఉంటాడు.
ఆ అర్చామూర్తిని అర్చించి, ధ్యానించి సర్వప్రాణులకు సేవ చేయడం ద్వారా పరమాత్మ కైంకర్యంలో మనం తరించి ముక్తిని పొందవచ్చని ధర్మశాస్త్రాలు చెబుతున్నాయి.
******************************
No comments:
Post a Comment