తెలుగు నెలలకి ఆ పేర్లెలా వచ్చాయి?చిత్తా నక్షత్రములో పౌర్ణమి రావటం వల్ల చైత్ర మాసమనీ, విశాఖ నక్షత్రములో పౌర్ణమి రావటం వల్ల వైశాఖ మాసమనీ, జ్యేష్టా నక్షత్రంలో పున్నమి చంద్రుడు రావటం వల్ల జ్యేష్ట మాసమనీ, పూర్వాషాఢ నక్షత్రంలో పౌర్ణమి రావటంతో ఆషాఢమనీ, శ్రవణంలో పౌర్ణమి రావటం వల్ల భాద్రపద మాసమనీ, అలాగే అశ్వనీ, పుష్యమీ నక్షత్లాల్లో పౌర్ణమి రావటం వల్ల కార్తీక, పుష్యమాసములనీ మఖ నక్షత్రంలో పౌర్ణమి రావటం వల్ల మాఘమాసమనీ, పూర్వఫల్గుణి నక్షత్రంలో పౌర్ణమి రావటం వల్ల ఫాల్గుణ మాసమని మన పూర్వీకులైన మహాఋషులు నామధేయములేర్పరిచారు.

తెలుగు నెలలకి ఆ పేర్లెలా వచ్చాయి?

చిత్తా నక్షత్రములో పౌర్ణమి రావటం వల్ల చైత్ర మాసమనీ, విశాఖ నక్షత్రములో పౌర్ణమి రావటం వల్ల వైశాఖ మాసమనీ, జ్యేష్టా నక్షత్రంలో పున్నమి చంద్రుడు రావటం వల్ల జ్యేష్ట మాసమనీ, పూర్వాషాఢ నక్షత్రంలో పౌర్ణమి రావటంతో ఆషాఢమనీ, శ్రవణంలో పౌర్ణమి రావటం వల్ల భాద్రపద మాసమనీ, అలాగే అశ్వనీ, పుష్యమీ నక్షత్లాల్లో పౌర్ణమి రావటం వల్ల కార్తీక, పుష్యమాసములనీ మఖ నక్షత్రంలో పౌర్ణమి రావటం వల్ల మాఘమాసమనీ, పూర్వఫల్గుణి నక్షత్రంలో పౌర్ణమి రావటం వల్ల ఫాల్గుణ మాసమని మన పూర్వీకులైన మహాఋషులు నామధేయములేర్పరిచారు.

వసెక్కువ పోశారంటారు?

సంస్కృతంలో 'వచు'లేదా 'ఉగ్రగంధ' అంటారు. తేమగా ఉన్న ప్రదేశంలో పెరుగుతుంది. పసితనంలో తొందరగా మాటలు రావటానికి వసకొమ్మును అరగదీసి తేనెతో కలిపి పోస్తారు. అలా పోస్తే వాక్కు స్పష్టంగా చక్కగా త్వరగా వస్తుందని అలా పోస్తారు.

సమతూకంగి వసపొయ్యకుండా ఎక్కువ పోస్తే గలగలా మాట్లాడతారు. అలాంటి వాళ్ళని సంబోధించి వీడికి వసెక్కువ పోశారంటారు. ఆయుర్వేదంలో వాపును కూడా ఈ వస చెట్టు వేళ్ళ రసం తగ్గిస్తుందని ఉన్నది.

గృహారంభము ఎప్పుడు ప్రారంభించ కూడదు, ఎప్పుడు ప్రారంభించాలి?

వైశాఖమూ, ఫాల్గుణమూ,పుష్యమూ, శ్రావణమూ, ఈ మాసములందు ముగ్గుపోయాలని బాదరాయణుడు శెలవిచ్చాడు.

అదే నారదుడు ఫాల్గుణ, వైశాఖ, శ్రావణ, కార్తీకములందు గృహ నిర్మాణమునకు శ్రీకారం చుట్ఠమని చెప్పాడు. ఈ మాసములలో గృహారంభము చేస్తే ధన, కనక, పుత్ర, ఆరోగ్యములు వృద్ధి చెందుతాయని చెప్పాడు.

కారణ తంత్రంతో స్థిరమాసమూ, స్థిరరాశీ, స్థిర అంశమూ ఇందు గృహానికి శంఖుస్థాపన చేయుట మంచిదని చెప్పాడు. ప్రధాన గృహ నిర్మాణం పుష్య, ఆషాఢ మాసములలో వద్దని చెప్పాడు. దైవజ్ఞవల్లభుడు, చైత్రమాసంలో గృహిరంభము శోకమనీ, వైశాఖంలో శుభమనీ, జ్యేష్టంలో మహాభయంకర శోకమనీ, ఆషాఢంలో పశువుల క్షీణతనీ, శ్రావణము ధనకారనీ, భాద్రపదము దరిద్రమనీ, ఆశ్వీయుజము గొడవలనీ, కార్తీకము భృత్యనాశనమనీ, మార్గశిరము ధనప్రాప్తి అనీ, పుష్యం లక్ష్మీప్రాప్తి అనీ, మాఘమాసము అగ్ని భయమనీ ఫాల్గుణం సకల ఐశ్వర్యప్రాప్తి అని శెలవిచ్చాడు.