అరుణగిరి ప్రదక్షిణ గురించి రమణ మహర్షి ఇలా సెలవిచ్చారు ....

🌺ఓం నమో భగవతే శ్రీ రమణాయ🌸

          అరుణగిరి ప్రదక్షిణ గురించి 

                  రమణ మహర్షి ఇలా సెలవిచ్చారు ....

1 .    నిజానికి ఈ గిరిప్రదక్షిణ వలన కలిగే ఆహ్లాదం ,

         సుఖం ఇంత అని చెప్పడానికి శక్యం కాదు .

2 .   శరీరం అలసిపోయి ఇంద్రియ చేష్టలకు బలం

        తగ్గి సర్వ వృత్తులూ అంతర్గతం కాగలవు .

3 .   నడుస్తూనే ఉండడం వలన శరీరం తానుగానే

       ఆసన పద్దతిన అమరిపోతుంది . అందువలన

       శరీరానికి ఆరోగ్యం ఏర్పడుతుంది . అలాగే

       మైమరచి ధ్యాన మగ్నతను పొందవచ్చును .

4 .   ఇది ఔషధుల కొండ  . ఈ ఔషధుల మీదుగా

       వచ్చే గాలి  శ్వాసకోసాలకు  చాలా  మంచిది .

5 .   గిరి ప్రదక్షిణ వలన శరీరం తేలికపడి తానుగానే

       నడచి పోతుంది . మనం నడుస్తున్నామన్న

       తలపే ఉండదు .

6 .   కూర్చుంటే కుదరని ధ్యానం ప్రదక్షిణానికి వెళితే

       కుదురుతుంది . ఆ ప్రదేశము గాలి అటువంటిది.

7 .   ఎంత నడవలేని వారు అయినా  ఒకసారి 

        వెళ్లివచ్చారంటే  మళ్ళీ వెళ్లాలనే    

        బుద్ధిపుడుతుంది .

8 .    వెళ్లినకొద్దీ సరదా ఎక్కువ అవుతుందేకాని

        తగ్గదు .

9 .    గిరి పదక్షిణకు అలవాటుపడితే ఇక

         విడువలేరు .

10 .  ఈ గిరి ప్రదక్షిణ " సంచార సమాధిని "

         ప్రసాదిస్తుంది .

11 .  ఈ గిరి " స్వయంభూలింగము " .

12 .  భక్తుల పాద ధూళియే ఈ పర్వతము .

13 .  ఈ గిరి ప్రదక్షిణ పరమ పవిత్రమైనది . 

         పాపాలు నశిస్తాయి .

14 .  గిరి ప్రదక్షిణ అనే ఔషధం శరీర మాలిన్యాలను ,

         మనో మాలిన్యాలను పోగొడుతుంది .

 15 . సాధకులు , రోజుకు ఒక్కసారి అయినా గిరి

        ప్రదక్షిణ  చేయాలి . దీని వలన మనసు

        తమస్సును వదలి సత్వ గుణాన్ని

        పొందుతుంది .

16 . సాధకులు గిరి ప్రదక్షిణ అనే ఔషదాన్ని

        సేవించాలి .